संजू कुमारी दास सिरहा ११ पुष:सिरहाको गोलबजारमा हानीकारक परम्परागत अभ्यास लैङ्गिक हिंसा तथा बालविवाह विरुद्धको रयाली तथा कोणसभा कार्यक्रम नगर स्तरीय किशोरी सञ्जालको अगुवाइमा, गोलबजार नगरपालिका वडा नं ९ डण्डाको आयोजना र मुक्ति नेपालको समन्वय र सहकार्यमा सम्पन्न भएको छ ।
उक्त कार्यक्रम गोलबजार नगरपालिका वडा नं ९ का वडा अध्यक्ष श्री सुरेन्द्रकुमार सिंह ज्युको अध्यक्षतामा, वडा स्तरीय सरोकारवालाहरू जनप्रतिनिधि, कार्य पालिका सदस्य , पार्टी प्रतिनिधि, राजनैतिक दल, समाजसेवी, युबा महिला पुरुष , किशोर किशोरीहरु लगायत जम्मा १०७ जनाको सहभागितामा हानीकारक परम्परागत अभ्यास लैङ्गिक हिंसा तथा बालविवाह विरुद्धको रयाली प्रभावित बस्ती को परिक्रमा तथा कोणसभा गरी समापन गरीएको थियो ।
गोलबजार नगर स्तरयि किशोरी संजालकी सपना कुमारी पासमान भन्नु हुन्छ, हानिकारक परम्परागत अभ्यासलाई अन्त्यका लागि सामुदायका सबै सरोकारवाला तथा अभिभावहरुले अपनत्व लिई रोकथाममा पहल गर्नु पर्छ । किनकी बालविवाहले महिलामा प्रजनन स्वास्थ्यमा असर पर्छ सानै उमेरमा विवाहले शिक्षाबाट बञ्चित भएको हुन्छ र हामी जस्तो किशोरीहरुको जिवन नै खराब हुन्छ । त्यसैले बालविवाह गर्नु हदैन बालविवाहले समाजमा लैंगिक हिंसाका घटनाहरु वढने गर्दछ समाजमा नराम्रो असर पर्छ । बालविवाह लाई सबै मिलेर रोक्नु पर्छ । हामी सवै किशोरीहरुले पनि बालविवाह तथा लैंगिक हिंसा बिरुद्ध आवाज उठाउनु पर्छ तथा बालविवाह र लैंगिक हिंसालाई प्रतिकार गर्नु पर्छ ।
त्यस्तै जनता चेतनशिल बाल क्लबका अध्यक्ष प्रमानन्द कुमार महतो भन्छन् लैगिक हिंसा तथा बालविवाह सम्बन्धी विद्यालयहरुमा कार्यक्रम संचालन गर्नुपर्छ । साथै अबका दिनहरुमा किशोरकिशोरीहरुले शिक्षामा जोड दिनुपर्छ सबै शिक्षित भएपछि लैंगिक हिंसा तथा बालविवाह बहुविवाहका घटनाहरु एकदमै कम हुदै जान्छ ।
कार्यपालिका सदस्य सनेचरी देवी महरा भन्नु हुन्छ, किशोरकिशोरीहरुको आमावुवाले सबैलाई समान रुपले विद्यालयमा अध्ययनका लागि पठाउनु पर्छ अनि छोरा छोरीहरुको बिच विभेद गर्नु हुदैन , दाईजो को सटामा छोराछोरीको शिक्षामा लगानी गर्नुपर्छ सबै अभिभावकहरुसंग अनुरोध छ की बालविवाह नगरी शिक्षाका लागि विद्यालयमा पठाउनु र निगरानी गर्नु आफ्नो कर्तव्यपूरा गर्नुसबैमा जनचेतान हुनु पर्नेछ ।
त्यस्तै हानिकारक परम्परागत अभ्यास परिवर्तनका लागि आफ्नै घरबाट शरु गर्नु पर्छ । साथै आजको समस्याहरु बालविवाह, बहुविवाह,बोक्सी आरोप, घरेलु हिंसा, लैंगिक हिसा रोकथामका लागि कानूनको भन्दा व्यवहारमा कार्यान्वन गर्नु पर्छ । सबैले आ आफ्नो स्थानबाट पहल गर्नु जरुरी छ । किशोरीहरु आफू खूशि हिडने सानैमा विवाह गरेर भाग्ने गरिन्छ भन्ने डरले अभिभावहरु छोरीलाई सानैमा विवाह गरीदीने गर्दछ त्यो समाधान छैन । समाजिक सोचमा साकारात्मक परिवर्तन गर्नुपर्छ । राजनैति दलका प्रतिनिधि, विष्णु देव मण्डलको भनाइ थियो भने वडा अध्यक्ष श्री सुरेन्द्र कुमार सिंहले भने लैंगिक हिंसा तथा बालविवाह रोकथाममा सर्व प्रथम अभिभावक तथा किशोरकिशोरीहरुलाइ सचेत हुनु जरुरी छ । विकास निर्माणका साथै मानवी विकास हुनू अति नै जरुरी छ । जनचेतनाको कमी , शिक्षाको कमीले हानिकारक परम्परागत अभ्यासको निरन्तरता रहेको देखिन्छ । यसलाई रोकथामका लागि नेपाल सरकारले कानूनु बनाएको छ तर कार्यन्वयनको प्रभावकारीकता देखिएको छैन त्यसैले यसको कार्यन्वयनमा पनि हामी सबै मिलेर लागनु पर्दछ । त्यसका लागि आफू सचेत हूनु शिक्षित हुनु आवश्यक रहेको छ ।
