महेश सिंह लहान, माघ २५ – श्रमजीवी लहान शाखाले सञ्चालन गरेका १६१ केन्द्रहरूको वार्षिक मूल्याङ्कनमा लहान-१८ स्थित अम्ही केन्द्रले उत्कृष्ट प्रदर्शन गर्दै प्रथम स्थान हासिल गरेको छ। उत्कृष्टताको यो उपलब्धि अम्ही केन्द्र प्रमुख श्रीमती ललिता देवी महतोको कुशल नेतृत्व र समर्पित सदस्यहरूको सामूहिक प्रयासको परिणाम हो।
केन्द्रले वित्तीय पारदर्शिता, समयपालन, सदस्यहरूको नियमितता, र सेवा वितरणमा उत्कृष्ट मापदण्ड पूरा गर्दै आफूलाई शीर्ष स्थानमा स्थापित गरेको हो।
यस विशेष उपलब्धिका लागि लेखा संयोजक अशोक महतोले अम्ही केन्द्र प्रमुख ललिता देवी महतो तथा सम्पूर्ण सदस्यहरूलाई बधाई ज्ञापन गर्दै भविष्यमा पनि यस्तै उत्कृष्टताको निरन्तरता रहोस् भन्ने शुभकामना व्यक्त गर्नुभएको छ।
श्रमजीवी लहान शाखाले केन्द्रहरूको मूल्याङ्कनलाई संस्थाको समग्र प्रगतिको आधारका रूपमा लिएको छ। आगामी दिनमा पनि यस्ता कार्यक्रमहरूले संस्थागत सुधार र प्रतिस्पर्धात्मक भावना विकास गर्ने विश्वास शाखाले व्यक्त गरेको समाज सेवी अशोक महतो जानकारी दिनु भयो।
