प्रदिप सिंह
लहान १० माघ : सिरहा नगरपालिका-१७ स्थित भन्सार गेट नजिक प्रहरीले लागू औषध ब्राउन सुगरसहित दुई जनालाई पक्राउ गरेको छ। पक्राउ पर्नेमा गोलबजार नगरपालिका-७ का २५ वर्षीय हृदय सिंह र गोलबजार नगरपालिका-८ का २२ वर्षीय धर्मेन्द्र यादव रहेका छन्।
ADVERTISEMENT
प्रहरीका अनुसार, मोटरसाइकलमा आएका उनीहरूलाई रोकि खानतलासी गर्दा सिंहको साथबाट ५ ग्राम २०० मिलिग्राम ब्राउन सुगर फेला परेको हो। जिल्ला प्रहरी कार्यालय सिरहा, लागू औषध नियन्त्रण ब्यूरो जनकपुर र इलाका प्रहरी कार्यालय माडरको संयुक्त टोलीले उनीहरूलाई नियन्त्रणमा लिएको हो।
ADVERTISEMENT
ADVERTISEMENT
सिरहा जिल्ला अदालतबाट म्याद थप गरी पक्राउ परेकाहरूविरुद्ध थप अनुसन्धान भइरहेको सिरहाका प्रहरी प्रवक्ता डीएसपी वीरेन्द्रकुमार पासवानले जानकारी दिए।
