महेश सिंह लहान, सिरहा – नेपाल कुशवाहा कल्याण समाज क्षेत्र नं. १ तथा लहान नगरकार्य समितिको संयुक्त छैठौं अधिवेशन २०८१ भव्य रूपमा सम्पन्न भएको छ। समाजको नेतृत्वलाई थप सुदृढ गर्दै क्षेत्रीय अध्यक्षमा राम उदगार महतो, लहान नगर अध्यक्षमा रामु महतो (दोस्रो कार्यकाल) र नेपाल कुशवाहा कल्याण समाजको अध्यक्षमा प्रदीप कुमार महतो सर्वसम्मत रूपमा चयन भएका छन्।
उक्त कार्यक्रममा जिल्ला समन्वय समितिका प्रमुख दिनेश महतो, पूर्व जिल्ला अध्यक्ष राम नारायण मेहता, लहान नगरपालिकाका नगर उपप्रमुख राम चलितर महतो, पूर्व क्षेत्रीय अध्यक्ष गंगा राम महतो, बुद्धिजीवी फुलेश्वर महतो, लहान-३ का वडा अध्यक्ष राम दयाल महतो, विद्यार्थी केन्द्रिय अध्यक्ष मुकेश महतो, समाजसेवी राजा राम महतो र बिन्देश्वर महतो लगायत समाजका विशिष्ट व्यक्तित्वहरूको उपस्थिति रहेको थियो।
अधिवेशन सम्पन्न भएसँगै नव-निर्वाचित पदाधिकारीहरूको सपथ ग्रहण कार्यक्रम २०८१ साल चैत्र ८ गते शनिबार ने.वि. ठकनी कुशवाह धर्मशाला, लहान-८, रोड नं.-२, सिरहा मा आयोजना गरियो।
कार्यक्रमका मुख्य आकर्षणहरू
नव-निर्वाचित पदाधिकारीहरूको शपथ ग्रहण
समाजको भावी रणनीति तथा योजनाहरूको प्रस्तुति विशिष्ट अतिथिहरूको मार्गदर्शन एवं प्रेरणादायी सम्बोधन ,नेपाल कुशवाहा कल्याण समाजका पदाधिकारीहरूले समाजको उत्थान, शिक्षा, रोजगार, तथा सामाजिक एकता को प्रवर्द्धनका लागि प्रभावकारी कार्यक्रमहरू सञ्चालन गर्ने प्रतिबद्धता व्यक्त गरे।
“संगठित कुशवाहा, समृद्ध समाज” नाराका साथ समाजलाई अझ उचाइमा पुर्याउने लक्ष्य राख्दै, नव-निर्वाचित टोलीले कार्यभार सम्हाल्ने घोषणा गर्यो। कुशवाहा समुदायको हक, हित, तथा समृद्धिको लागि समाज निरन्तर क्रियाशील रहने प्रतिबद्धता जनाएको छ।
नेपाल कुशवाहा कल्याण समाज कुशवाहा समुदायको सशक्तीकरण, समानता, तथा समृद्धि को लागि समर्पित संस्था हो। समाजले आगामी दिनहरूमा शिक्षा, रोजगार प्रवर्द्धन, सामाजिक एकता, तथा अधिकार संरक्षण मा विशेष पहल गर्ने योजना बनाएको छ।
