महेश सिंह लहान- ‘हाम्रो कला, हाम्रो पहिचान’ भन्ने नारासहित ‘संयुक्त मिथिला कलाकार नेपाल’ र ‘प्याब्सन सिरहा’को संयुक्त आयोजनामा अन्तरविद्यालय गायन प्रतियोगिता सुरु गरिएको छ। कार्यक्रमको पहिलो चरण अन्तर्गत लहान नगरपालिकाका सम्पूर्ण २४ वडाभित्रका सामुदायिक तथा निजी विद्यालयमा अडिसन सुरु गरिएको आयोजकले जनाएको छ।
कार्यक्रमको उद्घाटन लहान–१ स्थित बिधा मन्दिरबाट गरिएको हो। अडिसन कार्यक्रमको प्रारम्भ माईलेस्टोन एकेडेमी, लहान–१ बाट गरिएको थियो। सो विद्यालयमा आयोजित अडिसनबाट दिब्या सिंह, बिपना चौधरी, समर्पण श्रेष्ठ, जेनिस चौधरीसहित दर्जनौं विद्यार्थी छानिएका छन्। विद्यालयका प्रिन्सिपल ताराकान्त चौधरीका अनुसार कार्यक्रमले विद्यार्थीभित्र लुकेको प्रतिभा पहिचान गर्न सहयोग पुग्ने विश्वास व्यक्त गरे।
कार्यक्रमको निर्णायक मण्डलमा चर्चित गायक सरोज सन्त, गायिका आराधना चौधरी, कलाकार श्याम सिंह, दीपक विश्वकर्मा, गजेन्द्र गजुर, मोना लिसा उपाध्याय र ललित नारायण चौधरी रहेका छन्।
संयुक्त मिथिला कलाकार नेपालका अध्यक्ष राजाराम साहका अनुसार अडिसन कार्यक्रम नगरपालिकाका सबै वडामा पुग्नेछ। उनका अनुसार सिरहामा लुकेका बालबालिकाको प्रतिभा उजागर गर्न प्रतियोगिता प्रभावकारी हुने विश्वास लिएको बताए।
