प्रदिप सिंह लहान ९ असार । सिरहा जिल्लाको बरियारपट्टी गाउँपालिका–१ नरगीमा प्रदेश सरकारको बजेटमा आरसीसी सडक निर्माण कार्य सुरु गरिएको छ।
४५ लाखको लागतमा निर्माण हुन लागेको उक्त सडक नेकपा एमाले वडा कमिटीका अध्यक्ष सरोज कुमार यादवको पहलमा सञ्चालन गरिएको हो।
सडक निर्माण कार्यको औपचारिक सुरुआत उपाध्यक्ष ममता कुमारी यादवले शिलान्यास गरेर गर्नुभएको हो।
ADVERTISEMENT
ADVERTISEMENT
ADVERTISEMENT
राष्ट्रिय युवा संघ नेपालका युवा अध्यक्ष सुभाष चन्द्र यादवका अनुसार निर्माणाधीन सडकको लम्बाइ १७५ मिटर र चौडाइ २३ फिट रहनेछ। निर्माण कार्य तीव्र गतिमा अगाडि बढाइएको छ।
स्थानीय बासिन्दाहरूले प्रदेश सरकार र नेकपा एमाले वडा कमिटीका अध्यक्ष सरोज कुमार यादवको सक्रियतामा भौतिक पूर्वाधार विस्तारको गति तीव्र भएको भन्दै खुसी व्यक्त गरेका छन्।
