लहान २५ असार । सिरहाको लहान नगरपालिका–१३ स्थित पक्की टोलमा स्थानीयको चन्दा र श्रमदानबाट करीब २५ लाखको लागतमा अस्थायी प्रहरी चौकीको पक्की भवन निर्माण गरिएको छ।
नगरप्रमुख महेशप्रसाद चौधरी र मधेश प्रदेश प्रहरी प्रमुख उमाप्रसाद चतुर्वेदीले संयुक्त रूपमा भवन उद्घाटन गरे।
चतुर्वेदीले प्रहरी सेवा निःशुल्क, पारदर्शी र समुदायमैत्री हुने बताउँदै समुदायको सहकार्यले अपराध न्यूनीकरणमा सहयोग पुग्ने बताए।
प्रमुख जिल्ला अधिकारी अर्यालले प्रहरीलाई नागरिक र सरकारबीचको कडी भने।
२०६७ सालमा डकैती बढेपछि स्थापना भएको चौकी अब स्थानीयको पहलमा पक्की भवनमा रूपान्तरण भएको हो।
समाजसेवी अस्मिनकुमार राउतले चौकीलाई स्थायी रूपमा परिणत गर्न माग गरेका छन्।
निर्माणमा लहान नगरपालिका र मधेश सरकारको समेत आर्थिक सहयोग रहेको छ।
ADVERTISEMENT
ADVERTISEMENT
ADVERTISEMENT
