महेश सिंह लहान सिरहा- लक्ष्मीपूजाको अवसर पारेर जनता नमूना प्राविधिक धारा माध्यमिक विद्यालय, सोनवर्षाले विद्यार्थीमा आत्मनिर्भरता, सीप विकास र उद्यमशीलता अभिवृद्धि गर्ने उद्देश्यले विशेष कार्यक्रम सम्पन्न गरेको छ।
विद्यालयका प्रमुख प्रशासक (प्र.अ.) मुरारी शर्माका अनुसार, शिक्षा केवल परीक्षा र पाठ्यक्रममा सीमित नभई जीवनोपयोगी हुनुपर्ने विचारका साथ विद्यालयले यस्तो रोजगारमुखी र व्यावहारिक गतिविधि नियमित रूपमा सञ्चालन गर्दै आएको हो।
कार्यक्रममा विद्यालयका विभिन्न कक्षाका विद्यार्थीहरूले आफ्नै समूहका नाममा व्यवसायिक स्टलहरू सञ्चालन गरी चिया, पानीपुरी, आइसक्रिम, चपाती, पपकर्नलगायत सामग्री बिक्री गरेका थिए। करिब तीन घण्टा सञ्चालन भएको उक्त कार्यक्रमबाट विद्यार्थीहरूले उल्लेख्य आम्दानी समेत गरेका थिए।
प्र.अ. शर्माले भने,
“हामी विद्यार्थीलाई आत्मनिर्भर बनाउन चाहन्छौं। शिक्षा र सीप एकसाथ जोडिए मात्र रोजगारीको अवसर स्वतः सिर्जना हुन्छ।”कार्यक्रममा विद्यार्थीहरू अत्यन्त उत्साहित देखिएका थिए। विद्यालय परिसरमा भव्य रूपमा सजाइएका स्टलहरूले पाठ्येतर क्रियाकलापप्रतिको रुचि र व्यावहारिक ज्ञानप्रतिको झुकाव बढाएको विद्यालयले जनाएको छ।
कार्यक्रममा सहभागी कक्षा अनुसारका स्टलहरू
कक्षा – ५
फेमस चपाती र पानीपुरी पसल — आदित्य कुमार सिंह, आदर्श सिंह, शिवशंकर मुखिया
कक्षा – ८ ‘क’
रम्पम पसल — ऋचा यादव, रानी यादव, मनिका मण्डल, सन्तोषी यादव
कक्षा – ८ ‘ख’
साथी जनरल स्टोर — सोनी साह, कल्पना यादव, प्रियांका यादव, मोनीका यादव, दिपिका यादव
मिथैलाल चिया पसल — मुकेश यादव, नरेश यादव, सुरज यादव, महेश यादव
कक्षा – ९ (टि)
जय माँ काली चेरी पसल — राजेश यादव, प्रिन्स यादव
युनिक डेकोरेटिङ पसल — अनुराधा यादव, जिया यादव, सोनाक्षी यादव, बिपिका यादव, चञ्चल भगत, आरती साह, आरती यादव, रञ्जना दास
रामझाम रसवरी पसल — पुर्षोत्तम यादव, अमित दास
कक्षा – ९ ‘क’
दिलखुश आइसक्रिम पसल — अविनाश यादव, उमेश यादव, लक्ष्मण मण्डल, श्यामलेश यादव, फिरा साफी
कक्षा – १०
माँ लक्ष्मी पानीपुरी र पपकर्न पसल — राघनी साह, नन्दनी साह, अमृता यादव, सुजिता यादव, पूजा ठाकुर
अन्नपूर्णा जनरल स्टोर — सुमन कुमार साह, कमलेश यादव, सुरेश यादव, रामलेश यादव, श्रीराम यादव
कक्षा – १२
खुसी बलुन पसल — जगरनाथ राम, मिथिलेश महतो, ओमप्रकाश यादव
माँ सरस्वती चिया पसल — नितु कुमारी महतो, इन्जु यादव, सरस्वती यादव, तारा मुखिया, अर्चना यादव, प्रियांका यादव, सञ्जिबनी शर्मा
माँ बगवती पानीपुरी पसल — ललित ठाकुर, दीपक शर्मा
विद्यालयले यस्ता सीप–आधारित व्यावहारिक कार्यक्रमलाई आगामी वर्षहरूमा पनि निरन्तरता दिने प्रतिबद्धता जनाएको छ।
