महेश सिंह लहान सिरहा-भारततर्फबाट चोरी–पैठारी गरी ल्याइँदै गरिएको सुर्ती र फटकुवा सिरहाको लहान नगरपालिका–१२ भोटिया टोलमा प्रहरीले बरामद गरेको छ। मंगलबार बिहान भारत सीमातर्फबाट आउँदै गरेको शंकास्पद सामानबारे प्राप्त गोप्य सूचनाका आधारमा सशस्त्र प्रहरी बल नम्बर ०५१ र नगर प्रहरी का असैइ उपेन्द्र यादव नेतृत्वको गस्ती टोलीले फेला पारेको हो।
लहान–३ बाट करिब एक किलोमिटर पश्चिमतर्फ रोकिएको गाडीमा लोड गरिएको अवस्थामा उक्त सामान भेटिएको प्रहरीले जनाएको छ। बरामद वस्तुको मूल्य करिब रु १ लाख ५ हजार ८५० तोकिएको छ।
बरामद गरिएको सामग्री
कबिर सुर्ती ५० प्याकेट — मूल्य रु ६३,५००
राजनिवास सुर्ती १०५ प्याकेट — मूल्य रु २६,०५०
नागिन फटकुवा २६ बन्डल — मूल्य रु १६,३००
सामग्रीहरू आवश्यक कारबाहीका लागि सशस्त्र प्रहरी बल, लहानमा बुझाइएको सशस्त्र प्रहरी रामचन्द्र कुसवाहाले जानकारी दिए।प्रहरीका अनुसार चोरी–पैठारीसम्बन्धी थप अनुसन्धान जारी छ।
