महेश सिंह लहान सिरहा- गोलबजार क्षेत्रका होनहार विद्यार्थी तथा पूर्व सांसद माननीय फुलिया देवी सदाका सुपुत्र प्रबिन सदा रूसमा (Russia) Full Scholarship सहित पाँच वर्षे कानुन (Law) अध्ययनका लागि चयन भएका छन्। +2 उत्तीर्ण गर्दै उत्कृष्ट शैक्षिक प्रदर्शन गरेका प्रबिनको यो उपलब्धिलाई स्थानीय समुदायले उल्लेखनीय सफलता तथा समाजको गौरवका रूपमा लिएको छ।
प्रबिन सदाको सम्मानमा समाजका अगुवाहरू, समाजसेवी तथा स्थानीय नेतृत्वको उपस्थिति रहेको बधाई तथा सम्मान कार्यक्रम सम्पन्न भएको हो। उपस्थित वक्ताहरूले प्रबिनले हासिल गरेको अन्तर्राष्ट्रिय अवसरले केवल परिवार मात्र होइन, सम्पूर्ण सदा समुदाय तथा मधेस समाजको प्रतिष्ठा अझ उचो पारेको भन्दै खुसी प्रकट गरे।
कार्यक्रममा वक्ताहरूले विदेशमा कानुन शिक्षा हासिल गरी भविष्यमा समाजमा योगदान पुर्याउने प्रबिनको क्षमतामा पूर्ण विश्वास व्यक्त गर्दै उज्ज्वल भविष्यको शुभकामना व्यक्त गरे।
समुदायका प्रतिनिधिहरूले प्रबिनले अग्रसर भएर हासिल गरेको यो उपलब्धि युवाहरूका लागि प्रेरणादायी उदाहरण बनेको बताउँदै निरन्तर शैक्षिक सफलताका लागि शुभेच्छा व्यक्त गरे।
