ADVERTISEMENT
लहान ९ जेष्ठ ।सिरहाको लहान नगरपालिका ले शिक्षा, विज्ञान तथा प्रविधि मन्त्रालयको निर्देशन उल्लङ्घन गर्दै पालिकाभित्रका विद्यालयहरू सातामा ६ दिन सञ्चालन गर्ने निर्णय गरेको छ।
नगर प्रमुख महेशप्रसाद चौधरी ले शुक्रबार सूचना जारी गर्दै आइतबारदेखि शुक्रबारसम्म नियमित रूपमा कक्षा सञ्चालन गर्न निर्देशन दिएका हुन्।
शुक्रबार बसेको नगर कार्यपालिकाको बैठकको निर्णयअनुसार पालिकाभित्र रहेका सामुदायिक, धार्मिक तथा संस्थागत विद्यालयहरू साविककै समय तालिकाअनुसार सञ्चालन हुने जनाइएको छ।
यसअघि शिक्षा, विज्ञान तथा प्रविधि मन्त्रालयले देशभरका सम्पूर्ण शैक्षिक संस्थाहरू सोमबारदेखि शुक्रबारसम्म मात्रै सञ्चालन गर्न निर्देशन दिएको थियो। तर, उक्त निर्देशनविपरीत लहान नगरपालिकाले विद्यालयहरू सातामा ६ दिन सञ्चालन गर्ने सूचना सार्वजनिक गरेको हो।
ADVERTISEMENT
ADVERTISEMENT
