काठमाडौं: सेन्ट्रल एसियन भलिबल एशोसिएसन (काभा) यु–२० पुरुष भलिबल च्याम्पियनसिपको उपाधिका लागि नेपालले आज उज्वेकिस्तानसँग प्रतिस्पर्धा गर्दैछ। फाइनल खेल श्रीलंकाको कोलम्बोमा स्थानीय समय अनुसार दिउँसो ३ बजेदेखि सुरु हुनेछ।
नेपालले हिजोको लिग चरणको अन्तिम खेलमा तुर्कमेनिस्तानलाई ३–० को सोझो सेटमा पराजित गर्दै फाइनलमा स्थान बनाएको थियो। यसअघि नेपालले श्रीलंका र माल्दिभ्सलाई पनि समान ३–० को सोझो सेटमा हराएको थियो, जबकि उज्वेकिस्तानसँग ३–१ र कीर्गिस्तानसँग ३–२ को हार ब्यहोरेको थियो।
नेपाल समूह चरणमा दोस्रो स्थानमा रहँदै फाइनलमा पुगेको हो भने उज्वेकिस्तानले सबै खेलमा जीत हासिल गर्दै पहिलो स्थानमा रहँदै फाइनलमा स्थान बनाएको छ। श्रीलंका भलिबल फेडेरेसनले आयोजना गरेको यो प्रतियोगितामा नेपालसहित तुर्कमिनिस्तान, माल्दिभ्स, कीर्गिस्तान, उज्वेकिस्तान र आयोजक श्रीलंकाको सहभागिता छ।
