मनकामना केबलकार तीन दिनका लागि बन्द हुने

काठमाडौँ ।मनकामना केबलकार मर्मत सम्भारको कारण तीन दिनका लागि बन्द हुने भएको छ। मनकामना दर्शन प्रालिले जारी गरेको सूचनाअनुसार असोज २९, ३० र कात्तिक १ गते केबलकार सेवा बन्द रहनेछ। प्रालिका अनुसार, केबलकारको स्तरोन्नती कार्य अन्तर्गत नयाँ तारहरू फेर्ने, लठ्ठाहरू छोट्याउने लगायतका मर्मतका कामहरू गर्नुपर्ने भएकाले सेवा रोकिएको हो।

यसअघि दसैँको नवमी, दशमी र एकादशीका दिनहरूमा पनि केबलकार सेवा बन्द गरिएको थियो भने द्वादशीको दिन भने सेवा पुनः सञ्चालन गरिएको थियो। मर्मत कार्य असोज ३० गतेसम्म सक्ने योजना रहे पनि कात्तिक १ गते विश्राम गरी कात्तिक २ गतेदेखि सेवा पुनः सञ्चालनमा ल्याइनेछ।

ADVERTISEMENT

ADVERTISEMENT

ADVERTISEMENT