लहान – सिराहाको लहान नगरपालिका वडा नम्बर ४ स्थित रहेको बेबी एन्जल सेकेन्डरी स्कूलले त्रैमासिक परीक्षामा उत्कृष्ट प्रदर्शन गर्ने विद्यार्थीहरूलाई सम्मानित गर्न पुरस्कार वितरण कार्यक्रम आयोजना गरेको छ। यस कार्यक्रममा प्रथम, द्वितीय, तृतीय र सबैभन्दा बढी उपस्थित हुने विद्यार्थीहरूलाई सम्मान गरियो।
विद्यालयका शिक्षिका पूजा कुमारी सिंहका अनुसार, यस कार्यक्रमको उद्देश्य विद्यार्थीहरूलाई हौसला र मेहनत गर्न प्रेरित गर्नु हो। कक्षा नर्सरीदेखि कक्षा ९ सम्मका विद्यार्थीहरूले आफ्नो कडा परिश्रमको परिणामको रूपमा यो पुरस्कार प्राप्त गरेका छन्।
विद्यालयका प्रधान अध्यापक श्याम सुन्दर शाहले भने, हामी कुनै पनि विद्यार्थीलाई छुट्याइने काम नगरी सबैलाई समान अवसर दिने सोचका साथ यस्ता कार्यक्रमहरू आयोजना गर्दै आएका छौँ। यसले विद्यार्थीहरूलाई थप प्रोत्साहन दिने छ।
यस कार्यक्रममा विद्यालयको भव्यता र विद्यार्थीहरूको उत्साहजनक सहभागिता देख्न सकियो, जसले विद्यालयको सकारात्मक वातावरण र समर्पित शिक्षण कार्यको प्रमाण प्रस्तुत गरेको छ।
