सिराहा, असार १४ ।सिरहाको अर्नमा गाउँपालिका–१ मा एक युवकको हत्या गरिएको अवस्थामा शव फेला परेको छ। स्थानीय रामसेवक महराका करिब ३० वर्षीय छोरा अजय महराको शव शनिबार बिहान घर अगाडि फेला परेको हो।
स्थानीयवासीका अनुसार अजयलाई कुटपिट गरी घिसारेर हत्या गरिएको देखिएको छ। शवको घाँटीमा लुगा बेरिएको अवस्थामा भेटिएको छ, जसले घाँटी थिचेर हत्या गरिएको आशंका गरिएको छ।
ADVERTISEMENT
घटनास्थलमा ठूलो संख्यामा स्थानीयको भीड लागेको छ। घटनाको खबर पाएपछि जिल्ला प्रहरी कार्यालय सिरहाबाट प्रहरीको टोली घटनास्थल पुगेको छ।
ADVERTISEMENT
ADVERTISEMENT
सिरहाका प्रहरी प्रवक्ता डिएसपी बिरेन्द्र पासवानले अजय महराको शव फेला परेको पुष्टि गर्दै मृत्युको कारणबारे अनुसन्धान भइरहेको जानकारी दिएका छन्। उनले दोषी पहिचान तथा कारबाहीका लागि प्रहरी सक्रिय रहेको बताए।
