सिरहा १५ असार ।प्रादेशिक अस्पताल सिरहामा १० वर्षीय बालकको मृत्यु भएपछि आक्रोशित आफन्त र स्थानीयवासीबीच भएको झडपमा ९ जना प्रहरीसहित १० जना घाइते भएका छन्।
सिरहा नगरपालिका–६ बसविट्टाका राजन महराको उपचारको क्रममा मृत्यु भएपछि उनका आफन्तले चिकित्सकमाथि लापरवाही गरेको आरोप लगाउँदै प्रदर्शन गरेका थिए। प्रदर्शन उग्र बनेपछि प्रहरीले हस्तक्षेप गर्दा स्थिति तनावग्रस्त बनेको थियो। झडपका क्रममा ढुंगा प्रहार र लाठी चार्ज भएको थियो।
ADVERTISEMENT
झडपमा परी ९ जना सुरक्षाकर्मी र एक जना स्थानीयवासी घाइते भएका हुन्। घाइतेहरूलाई उपचारका लागि सोही अस्पतालमा भर्ना गरिएको छ।
ADVERTISEMENT
ADVERTISEMENT
स्थिति नियन्त्रणमा लिनका लागि थप प्रहरी बल परिचालन गरिएको र घटनाबारे अनुसन्धान भइरहेको जिल्ला प्रहरी कार्यालय सिरहाले जनाएको छ।
