सप्तरी १० साउन ।सप्तरीको डाक्नेश्वरी नगरपालिका–४ कुशहाका एक शिक्षक शुक्रबार बिहान मृत फेला परेका छन् ।
बिहीबार साँझ घरबाट निस्किएपछि सम्पर्कविहीन भएका २७ वर्षीय रामकिसुन रायलाई बिहान साढे ६ बजेतिर कोशी नहरको बाटो छेउमा स्थानीयले मृत अवस्थामा फेला पारेका थिए ।
ADVERTISEMENT
राय सम्पर्कविहीन भएपछि परिवारले रातभर खोजी गरे पनि पत्ता लागेका थिएनन् । इलाका प्रहरी कार्यालय कल्याणपुरका डीएसपी जितेन्द्रकुमार बस्नेतका अनुसार कानुनी प्रक्रिया पूरा गरी घटनाको अनुसन्धान भइरहेको छ ।
ADVERTISEMENT
ADVERTISEMENT
मृतक राय स्थानीय विद्यालयमा शिक्षकका रूपमा कार्यरत थिए ।
