लहान भाद्र ५। बरियारपट्टि र कचनारी नाकाबाट रात दिन तस्करी भइरहेको छ। स्थानीय व्यापारीहरूले बताएका छन् कि यी नाका तस्करहरूको गुप्त खजाना जस्तै बनेका छन्, जहाँ सशस्त्र प्रहरी र नेपाल प्रहरीकै मिलोमतोमा मासिक रकम असुलिने र समयमै नबुझाए सामान जफत गरिने गरेको छ।
नाम र भिडियो सार्वजनिक नगर्ने सर्तमा बताए एक महिला व्यापारीले, “हामी बरियारपट्टिदेखि धनगढीसम्म मासिक पैसा बुझाउँदै आएका छौं। तर समयमा रकम नबुझाए हाम्रो सामान जफत गरी भन्सार बुझाइन्छ। धेरै पटक यस्तो भइसकेको छ। हामी घामपानीमा काम गर्न सक्दैनौं। त्यसैले इन्डियाबाट सानो सामान ल्याएर बेचेर गुजारा चलाउने गरेका छौं। तर प्रहरीहरूले मासिक १० हजारसम्म असुल्ने गर्छन्। रकम नबुझाए चेकजाँच गरेर सामान जफत गर्छन्।
व्यापारीले थपे कि तस्करहरूले मासिक वा वर्षेनी रकम बुझाएपछि प्रहरी देखे पनि नदेखेजस्तो गर्छन्। यसरी, कचनारी र बरियारपट्टी नाका तस्करहरूको गुप्त खजाना जस्तै बनेको छ र सीमावर्तीबाट रात दिन तस्करी भइरहेको छ।
यस विषयमा नेत्र दैनिकले पटकपटक समाचार लेख्दै आएका छन् र सरोकारवाला निकायहरूको ध्यान आकर्षण गराएका छन्। तर सो निकायहरू किन मौन बसेको भन्ने प्रश्न अझै अनुत्तरित छ।
