ADVERTISEMENT
लहान १४ साउन ।सुनसरी घटनाको विरोधमा सिरहाको गोलबजारमा बिहीबार बिहानदेखि उत्पन्न तनावका क्रममा दुई युवकलाई गोली लागेको छ।
जिल्ला प्रहरी कार्यालय सिरहाका प्रवक्ता डीएसपी रमेशबहादुर पालका अनुसार सिरहाको तुलसीपुरका २० वर्षीय गणेश यादव र धनुषाको धारापानीका १९ वर्षीय सुभाष ठाकुर गोली लागेर घाइते भएका हुन्।
सहायक प्रमुख जिल्ला अधिकारी चेतराज बरालका अनुसार घाइते गणेश यादवको मृत्यु भएको सूचना प्राप्त भए पनि यसको आधिकारिक पुष्टि भइसकेको छैन। अर्का घाइते सुभाष ठाकुरलाई गोलबजारमा प्राथमिक उपचारपछि थप उपचारका लागि धरान रिफर गरिएको छ। उनको अवस्था गम्भीर रहेको जनाइएको छ।
ADVERTISEMENT
ADVERTISEMENT
