धुलिखेल – काभ्रेपलाञ्चोकको रोशी गाउँपालिका–११ पिप्लेमा पुनः पहिरो खसेपछि बिपी राजमार्ग अवरुद्ध भएको छ। सडकमाथिबाट खसेको सुक्खा पहिरोले वैकल्पिक मार्ग समेत बन्द भएपछि यातायात ठप्प भएको हो।
बिहीबार राति सडक विभाग र रोशी गाउँपालिकाको पहलमा बाढीले बगाएको सडकमा ‘ट्र्याक’ खोलेर सवारी सञ्चालनमा ल्याइएको थियो। तर आज बिहान पुनः पहिरो खसेपछि सिन्धुली र खोटाङबाट काठमाडौँ जाँदै गरेका बस र टाटा सुमो पहिरोमा पुरिए। यद्यपि, कुनै मानवीय क्षति भएको छैन।
ADVERTISEMENT
जिल्ला प्रहरी कार्यालयका प्रहरी नायब उपरीक्षक मानबहादुर घलेले अवरुद्ध सडक सञ्चालनको प्रयास जारी रहेको बताए। तर, सडक डिभिजनका कर्मचारी चन्द्रबहादुर लामाका अनुसार निरन्तर पहिरो झरिरहेकाले तत्काल सडक खुल्ने सम्भावना न्यून रहेको छ।
ADVERTISEMENT
ADVERTISEMENT
