एजेन्सी। तमिलनाडुस्थित तिरुचिरापल्लीबाट शारजाह जाँदै गरेको एयर इन्डिया एक्सप्रेसको उडान नम्बर एएक्सबी ६१३ मा प्राविधिक समस्या देखा परेको छ। उडानपछि ल्यान्डिङ गियरमा जोडिएको हाइड्रोलिक प्रणाली फेल भएको कारण विमान करिब साढे दुई घण्टासम्म आकाशमा परिक्रमा गर्न बाध्य भएको छ।
विमानमा १४१ यात्रु र चालक दलका सदस्यहरू थिए। पाइलटले इन्धन घटाउन आकाशमा परिक्रमा गरिरहेका छन् भने विमानस्थलमा आपत्कालीन अवतरणको तयारी गरिएको छ। उद्धार टोली, दमकल, र एम्बुलेन्स तैनाथ गरिएको छ र विमानको सुरक्षित अवतरणको प्रतीक्षा गरिएको छ।















