रौतहट।रौतहटको कटहरिया बजारमा आज बिहान भएको सांघातिक आक्रमणमा ३५ वर्षीय राकेश गिरी गम्भीर घाइते भएका छन्। कटहरिया नगरपालिका भवन नजिकैको चिया पसलमा बसिरहेका गिरीमाथि पिप्रापोखरिया गाउँबाट आएका दर्जनौँ व्यक्तिहरूले बाँसको लाठी, दाउरा र डुङ्गाले आक्रमण गरेका हुन्। उनलाई छुट्याउने प्रयास गरेकी ६० वर्षीया चिया पसलकी साहुनी प्रेमज्योति साह पनि घाइते भएकी छिन्।
प्रारम्भिक उपचारपछि दुवैजनालाई थप उपचारका लागि वीरगञ्ज पठाइएको इलाका प्रहरी कार्यालय कटहरियाले जनाएको छ। घटनामा संलग्न चार आक्रमणकारीलाई स्थानीयको सहयोगमा पक्राउ गरिएको छ।
गएराति दुर्गा पूजाको अवसरमा आयोजित मेलामा भएको विवादका कारण आक्रमण भएको हो। पोखरीया गाउँका एक युवकले मदिरा सेवन गरी स्टेजमा बारम्बार चढ्न खोज्दा राकेश गिरीसहित स्थानीय युवाहरूले उनलाई कुटपिट गरी भगाएका थिए, जसको प्रतिशोधमा आज बिहान आक्रमण भएको बताइएको छ।
