रौतहट – जिल्ला प्रहरी कार्यालय रौतहटको प्रमुख (एसपी) को नक्कली घुमुवा प्रहरी बनेर विभिन्न व्यापारीहरूबाट पैसा असुली गर्दै आएका एक व्यक्ति लागुऔषधसहित पक्राउ परेका छन्। पक्राउ पर्नेमा परोहा नगरपालिका–२ का ३५ वर्षीय सुनिल कुमार बैठा रहेको प्रहरीले जानकारी दिएको छ।
बैठा स्थानीय व्यापारीलाई एसपीको घुमुवा प्रहरी हुँ भन्दै धम्की दिएर पैसा असुल्दै गरेको सूचना पाएपछि, इलाका प्रहरी कार्यालय गरुडाका प्रमुख डीएसपी राजन कार्कीको नेतृत्वमा गएको प्रहरी टोलीले आइतबार साँझ उनलाई पक्राउ गरेको हो।
ADVERTISEMENT
बैठाको साथबाट प्रहरीले २२ पोका गाँजा (२०० ग्राम), १० पिस नाइट्रोभेट ट्याब्लेट, १ बोटल Cocas DX, नगद १७ हजार ९३५ रुपैयाँ, मोबाइल, र मोटरसाइकल बरामद गरेको छ। जिल्ला प्रहरी कार्यालय रौतहटका प्रवक्ता डीएसपी दीपक कुमार रायका अनुसार बैठामाथि थप अनुसन्धान भइरहेको छ।
ADVERTISEMENT
ADVERTISEMENT
