“लहानमा बजार अनुगमन तीव्र: मासु र तेलमा ठगी गर्ने पसललाई जरिवाना”

लहान।सिरहा जिल्लाको लहान नगरपालिकाले बजारमा बढ्दो उपभोक्ता ठगी रोक्न अनुगमनलाई तीव्र बनाएको छ। उपप्रमुख रामचलितर महतोको नेतृत्वमा सोमबार गरिएको बजार अनुगमनमा खसीको नाममा बाख्राको मासु बिक्री गरेको पाइएकोले सो पसललाई पाँच हजार रुपैयाँ जरिवाना गरियो।

ADVERTISEMENT

यसैगरी, लहान बर्गर हाउसले गुणस्तरहीन खानेतेल प्रयोग गरेको पाइएपछि ११ हजार रुपैयाँ जरिवाना गराइएको छ। अनुगमन टोलीमा इलाका प्रशासन, घरेलु, प्रहरी, पत्रकारलगायतको सक्रिय सहभागिता रहेको थियो।

नगरपालिकाले उपभोक्ताबाट प्राप्त ठगीका गुनासोलाई ध्यानमा राखी अनुगमनलाई निरन्तरता दिने र अन्य पसलहरूलाई सचेत गराउने जानकारी उपप्रमुख महतोले दिएका छन्।

ADVERTISEMENT

ADVERTISEMENT