लहान : सिरहाको नवराजपुर गाउँपालिका वडा नं १, गेरुवामा बजरंग युवा क्रिकेट क्लब गेरुवाहको आयोजनामा हाजिरी जवाफ प्रतियोगिता सम्पन्न भएको छ ।
२२औं हाजिरी जवाफ प्रतियोगिताले विद्यार्थीहरूबीच कडा प्रतिस्पर्धा प्रस्तुत गरेको थियो । प्रतियोगितामा आठ विद्यालयका विद्यार्थीहरू सहभागी भएका थिए । जसमा मावि महदेवा पोर्ताहा प्रथम, मावि महेशवरी द्वितीय र मावि मोवाही तृतीय स्थानमा रहेका छन् ।
भगवानपुर, सखुवान्नकार्कट्टी, र नवराजपुरका जनप्रतिनिधिहरूको उपस्थिति तथा छात्राहरूको सामाचकेवा नृत्यले कार्यक्रमलाई सांस्कृतिक रंगमा रंगाइदिएको थियो ।
२ दशकदेखि निरन्तर चल्दै आएको यो प्रतियोगिता विद्यार्थीहरूको शैक्षिक विकास र आत्मविश्वास अभिवृद्धिका लागि प्रभावकारी मानिन्छ । क्लब अध्यक्ष राम बालक यादवका अनुसार, यस प्रतियोगिताले युवाहरूलाई नयाँ उत्साह र प्रेरणा प्रदान गर्दै आएको छ ।
कार्यक्रम संयोजक मनोज कुमार यादवको नेतृत्वमा सम्पन्न प्रतियोगिताले नवराजपुर क्षेत्रको शैक्षिक र सांस्कृतिक माहोललाई थप सुदृढ बनाएको छ ।
