सिरहा— सिरहा जिल्लाको बरियारपट्टी गाउँपालिका–४ स्थित सोहपुरमा ट्याक्टर दुर्घटनामा परेर एक जनाको मृत्यु भएको छ। स १ त ६३७६ नम्बरको ट्याक्टर सोहपुरबाट हरिपुरतर्फ जाँदै गर्दा अचानक अनियन्त्रित भई पल्टिँदा ट्याक्टर चालक सुरज रायको घटनास्थलमै मृत्यु भएको हो।
दुर्घटना बिहानको समयमा भएको बताइएको छ। इलाका प्रहरी कार्यालय बरियारपट्टीका अनुसार मृतक राय सोहपुरकै स्थायी बासिन्दा हुन्।
ADVERTISEMENT
स्थानीय बिरेन्द्र यादवका अनुसार ट्याक्टर एक्कासी सडकबाट पल्टिएको थियो, जसका कारण चालकलाई ज्यान जोगाउने मौका पनि मिलेन। घटनापछि प्रहरी टोली घटनास्थलमा पुगेको थियो र मृतकको शवलाई पोस्टमार्टमका लागि प्रादेशिक अस्पताल, सिरहा पठाइएको छ।
ADVERTISEMENT
ADVERTISEMENT
