सिरहा, २० बैशाख । सिरहाको गोलबजार नगरपालिका–१० डण्डास्थित जंगल क्षेत्रबाट प्रहरीले दुई थान भरुवा बन्दुक बरामद गरेको छ।
इलाका प्रहरी कार्यालय गोलबजारका प्रमुख इन्सपेक्टर गोबिन्द साहका अनुसार, जंगलमा बन्दुक पड्किएको सूचना पाएपछि प्रहरी टोली परिचालित गरिएको थियो। खोजतलासको क्रममा झाडीमा लुकाइएका अवस्थामा दुई थान भरुवा बन्दुक फेला परेको हो।
इन्सपेक्टर साहका अनुसार, जङ्गली जनावरको शिकारमा संलग्न समूहले प्रहरी आएको सूचना पाएपछि बन्दुक त्यहीँ फालेर फरार भएको अनुमान गरिएको छ।
ADVERTISEMENT
ADVERTISEMENT
ADVERTISEMENT
“शिकार भइरहेको सूचना पाउनेबित्तिकै प्रहरी टोली पुगेको थियो,” उनले भने, “आपगाछी क्षेत्रतिर खोज्दा दुई थान भरुवा बन्दुक फालिएको अवस्थामा फेला पार्न सफल भयौँ।”
प्रहरीले फेला पारेको बन्दुक कसले प्रयोग गरिरहेको थियो भन्ने विषयमा अनुसन्धान भइरहेको जनाएको छ।
