काठमाडौँ — सघन सहरी तथा भवन निर्माण आयोजनामा कार्यरत इन्जिनियर सन्तोष कुमार यादव ५ लाख ७० हजार रुपैयाँ घुससहित पक्राउ परेका छन्। महोत्तरीको भंगहा नगरपालिका–२ घर भई हाल भक्तपुरको मध्यपुर ठिमी नगरपालिका–१, लोकन्थलीमा बस्दै आएका ४२ वर्षीय यादवलाई बिहीबार मध्यपुर ठिमी–१ स्थित एक रेस्टुरेन्टबाट पक्राउ गरिएको हो।
ADVERTISEMENT
अख्तियार दुरुपयोग अनुसन्धान आयोग टंगालबाट खटिएको टोलीले खोटाङमा निर्माणाधीन सडकको रनिङ बिल भुक्तानीमा अनावश्यक झन्झट र दुःख दिइएको भन्ने उजुरीका आधारमा उनलाई रंगेहात पक्राउ गरेको जनाएको छ। यादवले बिल पास गर्नका लागि सेवा ग्राहीसँग विभिन्न बहानामा घुस माग्दै आएका थिए।
यस घटनाले सरकारी सेवामा देखिएको भ्रष्टाचार र अनियमितता विरुद्ध कडाइका साथ कारबाहीको आवश्यकता झल्काएको छ। अख्तियारले घटनाबारे थप अनुसन्धान अघि बढाएको छ।
ADVERTISEMENT
ADVERTISEMENT
