धनुषा १० असार । अन्तरजातीय विवाह गरेर चर्चा बटुलेका कलाकार अभिनास झा उर्फ कलकतियाबाली की पत्नी अँसा सदा आफ्नै घरमा मृत अवस्थामा फेला परेकी छन्।
गत माघमा विवाह बन्धनमा बाँधिएका झा दम्पती केही समयअघि मात्र गृह प्रवेश गर्दै सामाजिक सञ्जालमा खुसी देखिएका थिए। तर, सोमबार राति जनकपुरधाम उपमहानगरपालिका–१२ र २० को सीमामा पर्ने नोचापुरस्थित घरमा अँसा सदा मृत फेला परेको जिल्ला प्रहरी कार्यालय धनुषाले जनाएको छ।
घटनास्थललाई नियन्त्रणमा लिएको प्रहरी टोलीले प्रारम्भिक अनुसन्धान अघि बढाएको छ। प्रवक्ता डीएसपी वरुण बहादुर सिंहका अनुसार मृतकका माइती पक्ष नआएसम्म थप प्रक्रिया अघि बढ्न सकेको छैन।
स्रोतका अनुसार अँसा सदाले आत्महत्या गरेकी हुनसक्ने अनुमान गरिएको छ, तर पोष्टमार्टम रिपोर्ट नआएसम्म कारण पुष्टि गर्न नसकिने प्रहरीले स्पष्ट पारेको छ।
भिड भइसकेको घटनास्थल नजिकै ‘कलकतियाबाली’का सुटिङहरू हुने नोचापुर क्षेत्र हो। चर्चित कलाकार अभिनास झा हाल स्पष्ट बयान दिन सक्ने अवस्थामा नरहेको बताइएको छ।
