नवलपुर ।नवलपुरको बुलिङटार गाउँपालिका–२ टाँडीस्वारामा जंगली च्याउ खाँदा १६ जना बिरामी परेका छन्। जिल्ला प्रहरी कार्यालय नवलपुरका अनुसार जीवनज्योती चर्च मण्डलीको निर्माणाधीन भवनको ढलान गर्न गएका उनीहरूले जंगली च्याउ खाएका थिए।
बिरामी परेकाहरूलाई भरतपुर अस्पताल चितवन र पुरानो मेडिकल कलेज भरतपुरमा उपचारका लागि भर्ना गरिएको छ। बिरामी हुनेमा बुलिङटार–२ निवासी ५१ वर्षीया समीमाया राना, १७ वर्षीया कविता लुङगेली, ३७ वर्षीया सिताराम गरन्जा मगर, १७ वर्षीया निशा ठाडा मगर, ४८ वर्षीय कृष्णबहादुर राना छन्।
त्यसैगरी ७८ वर्षीया जसु डिसुवा मगर, ४५ वर्षीय एकवीर बराल, ५० वर्षीया चुलिमाया थापा, ६६ वर्षीया गनिसर राना मगर, ४० वर्षीया मनमाया लुङगेली मगर, ३५ वर्षीया धनमाया लुङगेली, ३१ वर्षीय संजय कुमाल, ७ वर्षीया एरिना कुमाल, ५० वर्षीया रुमा गाहा मगर, ४२ वर्षीया हुमाया सारु मगर र १८ वर्षीय राजन राना मगर पनि बिरामी परेका छन्।
प्रहरीका अनुसार केही बिरामीहरूको अवस्था गम्भीर रहेको छ।
