लहान १६ असार ।सिरहाको बरियारपट्टी गाउँपालिका–१ नर्गीका ६० वर्षीय शुभक लाल यादवको सर्पको टोकाइपछि उपचारकै क्रममा लहानमा मृत्यु भएको छ।
गत राति करिब ११ बजे सर्पले टोकेपछि उनलाई नजिकैको नवराजपुर स्वास्थ्य चौकीमा लगिएको थियो। त्यहाँ अवस्था गम्भीर देखिएपछि उनलाई तत्काल लहानस्थित रामकुमार उमाप्रसाद स्मारक प्रादेशिक अस्पताल रिफर गरिएको थियो।
ADVERTISEMENT
अस्पतालमा स्वास्थ्यकर्मीहरूले सकेसम्म उपचार गरे पनि ज्यान जोगाउन सकिएन। मृतकका भतिजा सञ्जीव यादवले बताए, घरमै केही समय बितेपछि उपचारका लागि लगिएकोले समस्या थप गम्भीर भयो।
ADVERTISEMENT
ADVERTISEMENT
शव पोस्टमार्टमका लागि अस्पतालमै राखिएको छ।
