लहान ३० असार ।कञ्चनपुर–कमला सडक योजनाअन्तर्गत लहान बजार क्षेत्रको सडक निर्माण अविलम्ब अघि बढाउन माग गर्दै स्थानीयले सोमबार पूर्व–पश्चिम लोकमार्ग अवरुद्ध गरेका छन्।
ADVERTISEMENT
दुई महिनादेखि ग्राभेल सडकमा धुलो, हिलो र दुर्घटना बढेपछि नागरिकले करिब एक घण्टा चक्काजाम गरेका हुन्। राजनीतिकर्मी सत्यनारायण यादवले समयमै निर्माण नभए आन्दोलन क्रमिक रूपमा थपिने चेतावनी दिए।
इन्जिनियर सरोजकुमार कोइरालाका अनुसार ओभरपास, अन्डरपास र आकासे पुलका पाइल फाउन्डेसन निर्माण कार्यका कारण सडक निर्माणमा ढिलाइ भएको हो। पाइल फाउन्डेसन परीक्षणपछि मात्र अन्य काम अघि बढ्न सक्ने बताए। स्थानीयको अवरोध, खानेपानी र बिजुलीका खम्बाले पनि निर्माणमा समस्या आएको उनले जनाए।
ADVERTISEMENT
ADVERTISEMENT
