मुग्लिन — निरन्तर वर्षाका कारण आज बिहान मुग्लिन–नारायणगढ सडकखण्ड र नागढुंगा–मुग्लिन सडकखण्डमा फेरि पहिरो खस्दा यातायात अवरुद्ध भएको छ।
सडक डिभिजन भरतपुरले दिएको जानकारीअनुसार मुग्लिन–नारायणगढ सडकअन्तर्गत तुइनखोला पुलनजिकै पहिरो खस्दा सवारीसाधन एकतर्फी मात्र सञ्चालनमा रहेको छ। यस खण्डमा अझै वर्षा भइरहेको र पहिरोको जोखिम कायम भएकाले यात्रुहरूलाई सुरक्षा निकायसँग समन्वय गरेर मात्रै सावधानीपूर्वक यात्रा गर्न आग्रह गरिएको छ।
ADVERTISEMENT
त्यस्तै नागढुंगा–मुग्लिन सडकखण्डको जवाङखोला नजिकै पनि पहिरो खस्दा सडक पूर्णरूपमा अवरुद्ध भएको सडक डिभिजनले जनाएको छ।
ADVERTISEMENT
ADVERTISEMENT
यात्रु महानुभावहरूलाई सूचना जारी गर्दै सुरक्षित यात्रा गर्न अनुरोध गरिएको छ।
– सडक डिभिजन, भरतपुर
