काठमाडौँ — त्रिभुवन अन्तर्राष्ट्रिय विमानस्थलको रनवे लाइटिङ प्रणालीमा समस्या देखिएपछि शनिबार दिउँसोदेखि हवाई उडान प्रभावित भएका छन्।
विमानस्थलका प्रवक्ता रेन्जी शेर्पाका अनुसार रनवेको एयरफिल्ड लाइटिङ सिस्टम बिग्रिएपछि विमान अवतरण र उडान दुवै सम्भव नभएका हुन्। शनिबार साँझ करिब ५ः३० बजे समस्या देखिएको र त्यसपछि करिब पाँच वटा उडान होल्डमा राखिएको उनले जानकारी दिए।
ADVERTISEMENT
रनवे लाइटिङ प्रणाली भनेको राति वा कम दृश्यतामा रनवेलाई उज्यालो बनाउन प्रयोग गरिने बत्तीहरूको संरचना हो। यसमा रनवेको केन्द्र र छेउका बत्तीहरू तथा एप्रोच लाइटहरू पर्छन्।
ADVERTISEMENT
ADVERTISEMENT
विमानस्थलले बिग्रिएको लाइटिङ प्रणाली मर्मत गर्ने काम भइरहेको र प्रणाली पुनः सञ्चालनमा नआएसम्म उडान तथा अवतरण रोकिएको जनाएको छ।
