लहान २६ माघ । लहानमा राष्ट्रिय स्वतन्त्र पार्टीप्रति जनआकर्षण तीव्र रूपमा बढ्दै गएको छ। लहानका युवा व्यवसायी ओमप्रकाश शर्मा र सन्तोष कुमार पासवानको अगुवाइमा आयोजित पार्टी प्रवेश कार्यक्रममा विभिन्न दल परित्याग गरी दर्जनौं व्यक्ति राष्ट्रिय स्वतन्त्र पार्टीमा प्रवेश गरेका छन्।
कार्यक्रममा राष्ट्रिय स्वतन्त्र पार्टीका नेता पुरुषोत्तम यादव प्रमुख अतिथिका रूपमा उपस्थित थिए। लहानका विभिन्न वडाबाट उल्लेखनीय सहभागिता रहेको उक्त कार्यक्रममा वडा १ का बाली गुप्ता र बरुन रौनियार, वडा २ का बिकी सुनी, वडा ५ का बिनोद चौधरी, वडा ८ का अम्रेस र बिनेस झा, वडा १० का बिबेक साह, वडा ११ का सन्दिप कुमार साहसहित अमर यादव, सुवास दास, रञ्जित कुमार साह, गणेश साहलगायतले पार्टी प्रवेश गरेका हुन्।
कार्यक्रमका आयोजक तथा गितान्जली अटो वर्कशपका प्रबन्ध निर्देशक ओमप्रकाश शर्माले देशमा देखिएको परिवर्तनको चाहना र वैकल्पिक राजनीतिप्रतिको विश्वासका कारण राष्ट्रिय स्वतन्त्र पार्टीप्रति जनआकर्षण बढ्दै गएको बताए। संयुक्त आयोजक सन्तोष कुमार पासवानसहित वक्ताहरूले अब परिवर्तनको लहर गाउँ–गाउँसम्म फैलिँदै गएको उल्लेख गरे।
कार्यक्रममा सहभागी नयाँ सदस्यहरूलाई पार्टीको नीति, विचार र भावी योजनाबारे जानकारी गराउँदै औपचारिक रूपमा स्वागत गरिएको थियो।
