लहान, असार दिनेश्वर गुप्ता । संघीय सरकारका कृषि तथा पशुपन्छी विकास मन्त्री मृगेन्द्रसिँह यादवले आठ दिनभित्रै मलखाद्य आइपुग्ने बताएका छन् ।
लोकमार्ग अन्तरगत आज लहानमा सहिद सालिकमा माल्यार्पन गर्नेक्रममा मन्त्री यादवले यस्तो बताएका छन् ।
यादव मन्त्री बने लगतै शहिदको शालिकमा माल्यार्पन गर्न आज लहान आइपुगेका छन् ।
मन्त्री यादवले मधेश आन्दोलनका सहिदको सपना साकार पार्न आफू सदैब तत्पर रहने बताएका छन् ।
किसान मलखाद्यको अभावमा समस्या खेपिरहेको यो अवस्थामा छिटै उपलब्ध गराउने मन्त्री यादवले बताएका छन् ।
कार्यक्रममा लहानका उपमेयर रामचलितर महतोले सहिद शालिकमा माल्यार्पन गरेकोमा स्वागत गर्दै शहिद किन र के का लागि भएका हुन भन्ने कुरा दर्शाउदै सपना साकार गर्नु पर्नेमा जोड दिएका छन् । उपमेयर महतोले सिरहा जिल्ला र लहान नगरपालिका शहिदको नगरि रहेकोले बिकाश र जनताको हीतको लागि केन्द्रबाट पहल गरिदिन हुन मन्त्री सिंहसंग आग्रह गरेका छन् ।
कार्यक्रममा पूर्वराज्यमन्त्री शत्रुधन सिँह, जनता समाजबादी पार्टीका लहान नगर समितिका अध्यक्ष तथा जिल्ला समन्वय समितिका सभापति दिनेश महतो, पार्टीका केन्द्रीय सदस्य राजकुमार गुप्ता, अधिकारकर्मी तथा पत्रकार दिनेश्वर गुप्ता , मधेश प्रदेश सदस्यहरु, क्षेत्र तथा नगरका नेता तथा कार्याकर्ताहरुको उल्लेखनीय सहभागिता रहेको थियो ।
