दशैँ मनाउन जाँदै गरेकी महिलाको भीरबाट लडेर मृत्यु

डोटी, जोरायल गाउँपालिका–४ की ३७ वर्षीया भावना पुन मगरको दशैँ मनाउन घर जाँदै गर्दा भीरबाट लडेर दुखद निधन भएको छ। भावना कैलालीको चौमालाबाट श्रीमान् प्रेमबहादुर र छोराछोरीसँगै जोरायल गाउँपालिका–४ थलीस्थित घर फर्किंदै थिइन्। तर गणेशाल भन्ने स्थानको उकालो चढ्ने क्रममा करिब ५० मिटर तल कच्ची सडकमा खस्दा उनको घटनास्थलमै मृत्यु भयो।

घटनाको जानकारी उनका भाइ सबिन पुनले दिए, जसका अनुसार भावनाको घाटी र अनुहारमा गम्भीर चोट लागेको थियो। इलाका प्रहरी कार्यालय विपिनगरका इन्चार्ज, प्रहरी निरीक्षक खेम विक्रम केसीले घटनाबारे प्रारम्भिक जानकारी प्राप्त भएको र प्रहरी टोली घटनास्थलतर्फ गएको बताए।

ADVERTISEMENT

यसै भीरबाट लडेर यसअघि असोज ४ गते रोहित बोहरा नामकी अर्की महिलाले पनि ज्यान गुमाएकी थिइन्, जसले यो स्थानलाई खतरनाक बनाइदिएको छ।

ADVERTISEMENT

ADVERTISEMENT