रौतहटमा हात्तीको आक्रमणबाट एक महिलाको मृत्यु

रौतहट। रौतहट जिल्लाको पश्चिम उत्तरी क्षेत्र फतुवा विजयपुर नगरपालिका–११ बुट्वा राङि गाउँमा जङ्गली हात्तीको आक्रमणबाट एक महिलाको मृत्यु भएको छ। आज बिहान ७० वर्षीया पातली तामाङलाई आफ्नै घरमा सुतिरहेको अवस्थामा हात्तीले आक्रमण गर्दा उनको ज्यान गएको हो। हात्तीले आक्रमण गर्दा मृतकको घर पूर्ण रूपमा क्षतिग्रस्त भएको छ।

इलाका प्रहरी कार्यालय विजयपुरका प्रमुख इन्स्पेक्टर इन्द्रमणि अधिकारीले घटनास्थलमा पुगेर घटनाको पुष्टि गरेका छन्। हात्तीको एक्कासि आक्रमण भएपछि मृतकका श्रीमान्ले भागेर ज्यान जोगाउन सफल भएका थिए। हात्तीले सोही गाउँमा अर्को घरमा पनि क्षति पुर्याएको जनाइएको छ।

ADVERTISEMENT

हाल नेपाल प्रहरी, डिभिजन वन कार्यालय चन्द्रिगाहपुर, र सशस्त्र बेस क्याम्प विजयपुरको टोली घटनास्थलमा पुगेको र थप अनुसन्धान भइरहेको प्रहरी स्रोतले जनाएको छ।

ADVERTISEMENT

ADVERTISEMENT