सिरहा।सिरहाको मिर्चैया-कटारी राजमार्गमा यात्रुवाहक बस दुर्घटना हुँदा पाँच जना घाइते भएका छन्। कटारीबाट मिर्चैया जाँदै गरेको ना ३ ख ७०३४ नम्बरको बस मिर्चैया नगरपालिका-७ अन्तर्गत बक्री बजारमा करिब साढे ११ बजे पल्टिएको हो।
दुर्घटनामा पाँच जना यात्रु घाइते भएका छन्, जसमा पाँच वर्षीया एक बालिकाको अवस्था गम्भीर छ। उनलाई थप उपचारका लागि विराटनगर पठाइएको छ भने अन्य चार जनाको उपचार स्थानीय स्वास्थ्य संस्थामा भइरहेको मिर्चैया प्रहरीले जनाएको छ।
ADVERTISEMENT
इलाका प्रहरी कार्यालय, मिर्चैया अनुसार बसको ब्रेक नलाग्दा दुर्घटना भएको प्रारम्भिक अनुमान गरिएको छ। घटनाबारे विस्तृत अनुसन्धान भइरहेको डीएसपी पञ्चकुमार बाखुले जानकारी दिएका छन्।
ADVERTISEMENT
ADVERTISEMENT
