लहान।छठपूजाको अवसरमा सिराहा जिल्लाको लहान नगरपालिका–३ मा रहेको लक्ष्मण ललिता कुशवाहा मावि रघुनाथपुर पोखरीलाई बिहीबार साँझ अस्ताउँदो सूर्यलाई अर्घ्य दिन विशेष रूपमा सजाइएको छ। मिथिला क्षेत्रको महान पर्व छठका लागि पोखरीको किनारमा दुलहीझैँ सिँगारिएका घाटहरूमा माटोको घैला, दियो, बाँसका कोनिया, र परम्परागत परिकारहरू राखिएको थियो। श्रद्धालुहरूले जलाशयमा शरीर डुबाउँदै अस्ताउँदो सूर्यलाई अर्घ्य दिए।
मिथिला र तराई क्षेत्रमा आस्थाका साथ मनाइने यस पर्वमा विशेष रूपमा महिलाहरू व्रत बसी सूर्य उपासनामा लीन हुने परम्परा छ। स्वास्थ्य र समृद्धिको कामनामा मनाइने छठमा नाचगान र सांस्कृतिक कार्यक्रमहरू पनि आयोजना गरियो। सप्तमी तिथिको बिहान उदाउँदो सूर्यलाई अर्घ्य दिएपछि यो पर्व समापन गरिन्छ।
ADVERTISEMENT
ADVERTISEMENT
ADVERTISEMENT
