बंगलादेशको संसदीय निर्वाचनमा चर्चित युवा उम्मेदवार तास्निम जारा पराजित

बङ्गलादेश २ फागुन।बंगलादेशको संसदीय निर्वाचनमा सामाजिक सञ्जालमा ७५ लाखभन्दा बढी फलोअर्स रहेकी युवा नेतृ तास्निम जारा पराजित भएकी छन्।
ढाका क्षेत्र नम्बर–९ बाट उम्मेदवारी दिएकी जारा तेस्रो स्थानमा सीमित भएकी हुन्। अखबारहरूले जनाएअनुसार भकुन्डो चुनाव चिह्न लिएर मैदानमा उत्रिएकी उनले कुल ४४ हजार ६ सय ८४ मत प्राप्त गरिन्।
यस क्षेत्रमा विजयी उम्मेदवार Bangladesh Nationalist Party का हाबिबुर रसिद रहेका छन्। उनले १ लाख ११ हजार २ सय १२ मत प्राप्त गर्दै पहिलो स्थान हासिल गरेका छन्।
३१ वर्षीया जारा पेशाले चिकित्सक हुन्। उनी बंगलादेशको विद्यार्थी आन्दोलनबाट उदाएकी युवा नेतृका रूपमा परिचित थिइन्। चुनावअघि उनलाई बलियो प्रतिस्पर्धीका रूपमा हेरिएको थियो।

ADVERTISEMENT

ADVERTISEMENT

ADVERTISEMENT