ड्राइगन खेतीबाट आत्मनिर्भर बन्दै हमाल

विनोद मण्डल सिरहा । सिरहाको धनगढीमाई नगरपालिका वडा नंबर १२ गडमेका टंकबहादुर हमाल ठकुरीले करिव चार कठ्ठा जमिनमा कृषि उपज ड्राईगन फलको खेती सुरु गरेर नमुना कृषक बन्दै छन् ।

कृषक हमाल भन्नुहुन्छ ” वैदेशिक रोजगारीबाट फर्केपछी मैले आफ्नो बाझो रहेको जमिनमा कृषिमा केही गर्न सक्छु भनेर मैले तरकारी खेती लगाउन सुरु गरे ” कृषक हमालले सुरुमा खुर्सानी, काउली, भान्टा, साग, पर्वल लागायतका विभिन्न तरकारी बालीको खेती सुरु गरे बिस्तारै बिस्तारै उनले सिजन अनुसारको तरकारी खेती गर्दै जान थाले ।

आम्दानी बढ्दै गएपछि उनले करिब चारकठ्ठा जग्गामा ड्राईगन फलको खेती सुरु गरेको हो । यसको बजारमा मुल्य किलोको  १ हजार देखि  २ हजार सम्म छ भनिन्छ । अहिले उनले चारसय बिरुवा रोपेर सुरुवात गरेको ड्राईगन खेतीमा पछि अझै बिरुवाहरू थप्दै जाने वताएका छन् ।