छिन्नमस्ता गाउँपालिकाको मैथिली अभियानी र मिलाफ नेपालले ऐतिहासिक कार्य गर्दै : “सौसे मिथिला एके टोल, मैथिली जकर मायक बोल’ नाराका साथ यो अभियानको आयोजन
मिलाफ नेपाल, राजविराजको अध्यक्ष रमिला साहको अध्यक्षतामा ‘मिथिला बोल बम अभियान : देवघर साइकल यात्रा २०७९’ को शुभारम्भ भएको छ।
मैथिली भाषा, साहित्य, कला–संस्कृतिको व्यापक प्रचार-प्रसार र जन-जागरणको उद्देश्यले सप्तरी नेपाल देखि भारत, देवघरको लागि ‘देवघर साइकल यात्रा २०७९’ आज श्रावण २४ गते ( मंगलबार ) दूई ठाउँमा कार्यक्रम गरी विदा गरिएको छ।
छिन्नमस्ता गाउँपालिका वडा नं. १ विरपुर स्थित भाेला बाबाको मन्दिर दर्शन र आशीर्वाद लिई राजविराजको राजेश्वरी राजदेवी मन्दिर पुगेका २७ जना यात्रीहरूलाई मिलाफ संस्थापक अध्यक्ष तथा मिथिला साप्ताहिकको सम्पादक देवेन्द्र मिश्र, Earth News को सम्वादाता तथा क्रान्ति केन्द्रका पत्रकार बाबुल मिश्र, मिलाफ सचिव र आइ लभ मिथिला तथा मधेश एक्सप्रेस डट कमका सम्पादक विद्यानन्द बेदर्दी, रेडियो नेपालका सम्वादाता दीनानाथ यादव, मैसाप पूर्व अध्यक्ष तथा सूर्यांश पत्रिकाका शुभचन्द्र झा, संचार यात्रा तथा अन्तर्राष्ट्रिय मैथिली सम्मेलन नेपालका अध्यक्ष करूणा झा, मैथिल महिला परिष्दका प्रतिमा देव र पिंकी झा, मिलाफ संस्थापक सदस्य शम्भू श्री, म्यूजिक मैथिलीका मैथिल म्याक्स लगायतकाले शुभकामना प्रदान गरेका थिए। मिलाफ संस्थापक सदस्य तथा गायिका कंचना झाले महेशवाणी गाएर विदा गरेकी थिईन्।
प्रसिद्ध शक्तीपीठ छिन्नमस्ता सख्ड़ेश्वरी सम्मको दर्शन गरे पश्चात वैद्यनाथ धामको लागि यात्रीहरू देवघर प्रस्थान गरेका छन्। ३५० किलोमीटर दूरी रहेको देवघर यात्राको लागि १० दिनको समय तय गरिएको छ।
यस भन्दा पहिले नेपालमै पहिलो पटक सामूहिक रूपमा उक्त टीमद्वारा नै ‘मिथिला देवघर साइकल यात्रा’ २०७६ को आयोजन गरिएको थियो। दुई वर्ष देखि कोरोनाको कारण निरन्तरता दिन नसेकेको र यस पटक निरन्तरता दिन गई रहेको छ।
अभियान नेपालीय र भारतीय क्षेत्रको मैथिली भाषीहरूको सांस्कृतिक सद्भाव र भाषीक समानजस्ताको लागि गरिएको हो र ठाउँ-ठाउँमा जन जागरण, भाषीक सन्देशमूलक र अन्तरक्रिया कार्यक्रम गरिने छ। सार्वजनिक मठ मन्दिर वा स्थलमा बास बसेर स्वयं टीमद्वारा भोजन तयार गरी, खाई-पिई विश्राम गर्दै यो यात्रा तय हुने छ संयोजक शुभाष विरपुरियाले जनाए।मैथिली भाषाको विशेषता र विशिष्टताका केन्द्रित विषय वस्तु राखेर मैथिलीका सम्पूर्ण बोली-शैलीहरूलाई एकताको शुत्रमा बाध्ने प्रशंसनीय प्रयास गरिएको ‘मैथिली फूल नइँ फुलवारि छियै’ Documentary Video पनि निर्माण र सार्वजनिक गरिएको थियो र यसपाली पनि केही नयाँ तरिका र थप विषयवस्तुमा बन्ने जानकारी सह-संयोजक गजेन्द्र गजुरले जानकारी दिएका हुन्।
