कांग्रेस नेता प्रदीप गिरीको अवस्था गम्भिर, भेन्टिलेटरमा उपचार हुँदै

काठमाडौँ,। नेपाली कांग्रेसका नेता प्रदीप गिरीको भेन्टिलेटरमा राखेर उपचार भइरहेको छ । अस्वस्थ भएर ललितपुरको मेडिसिटी अस्पतालमा उपचाररत गिरीलाई हिजो भेन्टिलेटरमा सारिएको हो ।

उनको अवस्था गम्भीर रहेको र सुधारको आशासहित उपचार भइरहेको अस्पतालले जनाएको छ । नेता गिरीको अवस्था गम्भीर बन्दै गएपछि कांग्रेसका नेता, कार्यकर्ता र शुभेच्छुकहरुले शीघ्र स्वास्थ्य लाभको कामना गर्दै प्रार्थना सभा पनि गरेका छन् ।

ADVERTISEMENT

हिजो मेडिसिटी अस्पतालमै प्रार्थना सभा भएको थियो । नेता गिरिको स्वास्थ्य अवस्थाबारे बुझ्न हिजो मेडिसिटी गएका कांग्रेसका पूर्वउपसभापति विमलेन्द्र निधिले गिरीको स्वास्थ्यलाभका लागि सबैसँग प्रार्थना गर्न आग्रह गरेका थिए । नेता गिरीको घाँटीमा क्यान्सरसँगै निमोनिया पनि देखिएको छ ।

ADVERTISEMENT

ADVERTISEMENT

उनलाई साउन दोस्रो हप्ता मेडिसिटी अस्पतालमा भर्ना गरिएको हो ।