गण्डकी– राष्ट्रिय स्वतन्त्र पार्टी (रास्वपा)का सभापति रवि लामिछानेलाई सहकारीको बचत रकम अपचलनको आरोपमा थप ७ दिन हिरासतमा राखेर अनुसन्धान गर्न कास्की जिल्ला अदालतले अनुमति दिएको छ। कास्की जिल्ला अदालतका न्यायाधीश चन्द्रकान्त पौडेलको इजलासले लामिछानेलाई प्रहरी हिरासतमा राखेर अनुसन्धान गर्न अनुमति दिएको हो।
सभापति लामिछाने यही कात्तिक २ गते पक्राउ परेका थिए र यसअघि पनि ६ दिनको म्याद थपिएको थियो। अब पुनः ७ दिनको म्याद थप गरिएको छ। कास्की जिल्ला अदालतका सूचना अधिकारी सुरज अधिकारीका अनुसार, थप अनुसन्धानका लागि यो म्याद आवश्यक भएको बताइएको छ।
ADVERTISEMENT
यसैगरी, सहकारीको बचत रकम अपचलनको आरोपमा पूर्व प्रहरी नायब महानिरीक्षक छविलाल जोशीलाई पनि थप ७ दिन हिरासतमा राख्न अनुमति प्रदान गरिएको छ। जोशी गत असोज ६ गते पक्राउ परेका थिए।
ADVERTISEMENT
ADVERTISEMENT
