लहान। सिरहा जिल्लाको नवराजपुर गाउँपालिका वडा नं. ४ का एमालेका सक्रिय युवा नेता नवीन यादवले दीपावली तथा छठ पर्वको पावन अवसरमा सम्पूर्ण देशवासी नेपालीहरूलाई शुभकामना व्यक्त गरेका छन्। यादवले विशेष गरी स्वदेशमा रहेका नेपाली दाजुभाइ दिदीबहिनीहरूको सुस्वास्थ्य, सुख-समृद्धि, र उत्तर-उत्तर प्रगतिको कामना गर्दै पर्वलाई आपसी प्रेम र सद्भावका साथ मनाउन आग्रह गरेका छन्।
युवा नेता यादवले यस पर्वमा कुनै प्रकारको झैझगडा नगरी समाजमा शान्ति कायम गर्न र एकअर्कासँग मित्रता बढाउन विशेष जोड दिएका छन्। उनले पर्वको हर्षोल्लासमा सबैले संयमता अपनाउन र भाइचारा प्रवर्द्धन गर्न महत्त्वपूर्ण सन्देश दिँदै शुभकामनासहित भने, “दीपावली र छठ पर्वले हाम्रा जीवनमा सकारात्मकता, उन्नति, र समृद्धि ल्याओस्।”
यादवले समाजका युवालाई चाडपर्वको मौकामा शान्तिपूर्ण र अनुकरणीय आचरण कायम राख्न आग्रह गर्दै सबैको उत्तर-उत्तर प्रगतिको कामना गरेका छन्। साथै, उनले स्थानीयस्तरमा चाडपर्वलाई सुरक्षित र शान्तिपूर्ण वातावरणमा मनाउन सबैलाई आह्वान गरे।
सामाजिक कार्यमा क्रियाशील यादवले यस पर्वमा समाजमा मेलमिलाप र एकताको सन्देश दिनु आवश्यक रहेको औँल्याउँदै सबैमा सुख, शान्ति, र समृद्धिको कामना व्यक्त गरेका छन्।
