काठमाडौं – राष्ट्रिय परीक्षा बोर्डलाई उत्तरपुस्तिका परीक्षणमा लापरबाही रोक्न अनेरास्ववियु (अखिल नेपाल राष्ट्रिय स्वतन्त्र विद्यार्थी यूनियन) काठमाडौं जिल्ला कमिटीले आग्रह गरेको छ। सो कमिटीले बोर्डका अध्यक्ष महाश्रम शर्मालाई ध्यानाकर्षण पत्र बुझाउँदै परीक्षकहरूले उत्तरपुस्तिका जाँच गर्दा लापरबाही गरेको भन्दै यसमा सुधारको माग राखेको छ।
केही समयअघि खोटाङका एक विद्यार्थी शिवकुमार राईको उत्तरपुस्तिका गलत तरिकाले जाँचिएको आरोप लागेपछि यो मुद्दा थप चर्चामा आएको थियो। उजुरीको आधारमा पुनःपरीक्षण गर्दा उक्त विद्यार्थी उत्तीर्ण भएको पाइएको थियो। यस घटनापछि दोषीलाई कारबाहीको माग गर्दै अनेरास्ववियुले ध्यानाकर्षण गराएको हो।
यसैक्रममा, २०८० सालको एसईई परीक्षामा पुनर्योगका लागि १८ हजार ६ सय १२ विद्यार्थीले निवेदन दिएमा, ८ सय ४८ जनाको नतिजा परिवर्तन भएको तथ्याङ्क देखिएको छ। अनेरास्ववियुले यसलाई लापरबाहीका प्रमाणका रूपमा प्रस्तुत गर्दै बोर्डलाई उत्तरपुस्तिका परीक्षण प्रक्रियामा सुधार गर्न आग्रह गरेको छ।
