लहान नगरपालिकामा थालियो बृहत सरसफाई अभियान
विनोद मण्डल साउन २१ । सिराहाको लहान नगरपालिका भित्रका बस्तीहरूमा अत्याधिक फोहोर जम्मा भएर नगरको वातावरण दुर्गन्धित बन्दै गएको अवस्थामा बृहत नगर सरसफाई अभियान थालिएको छ ।
नगर प्रमुख महेश प्रसाद चौधरीको प्रमूख आतिथ्यमा आयोजित सरसफाई अभियान अन्तर्गत ” सरसफाइ गरौं , सभ्यताको परिचय देऊ” भन्ने मूल नाराका साथ लहान नगरपालिकाकाे वडा नम्बर – ४ को मुख्य बस्तीबाट अभियानको सुरुवात गरिएको वीरेन्द्र यादबले जनाएका छन् ।
अभियानको सुरुवातमा मेयर चौधरीले समाजका लागि अशल कामको सुरुवात आफैबाट गर्नुपर्ने धारणा राख्दै
स्थानीयबासीको सहयोगमा महिनाको १५ / १५ दिनमा नगरको टोल बस्तीमा सरसफाइ हुनुपर्नेमा जोड दिनुभएको छ ।
नगर सरसफाइमा चौधरीले आफ्नो कार्यकालमा नगरपालिकाबाट सरसफाइ सम्बन्धित जनचेतनामूलक कार्यक्रम सहित कार्यान्वयन गर्न पछि नहट्ने घोषणा गर्नु भएको छ ।
नगर प्रमूख चौधरीले घरबाट निस्केको फोहोरलाई पहिचान गरी ब्यबस्थापन गर्दै उचित ठाउँमा व्यवस्थापनको वातावरणमा आफनो ध्यान केन्द्रित भएको समेत बताउनु भएको छ ।
कार्यक्रम जनप्रिय भएकोले कार्यक्रममा नेपाल पत्रकार महासंघ सिरहा शाखाका अध्यक्ष मनोज बनैता यादव , वडा अध्यक्ष रामनाथ पण्डित लगायत स्थानीयबासी , बुद्धिजीवी , समाजसेवी लगायत , संचारकर्मीहरुको बाक्लो उपस्थिति रहेको स्थानियलाई उद्दृद गर्दै परीक्षार्थी पत्रकार देब कुमार महतोले जनाएका छन् ।
