रुपन्देही । रोयल क्राउन इवेंट्स एण्ड क्रिएशन्सले आयोजना गरेको प्रदेश स्तरको सौन्दर्य प्रतियोगिता मिस्टर एण्ड मिस सिद्धार्थ नगर २०२२ सिजन १ को दोश्रो अडिसन बुधबार भैरहवास्थित होटल पाउवामा सम्पन्न गरिएको थियो ।
सो प्रतियोगितामा परासी, खैरहनी, भैरहवा र कपिलबस्तुबाट अनलाइन र ओफलाइन गरी १५ भन्दा बढी मिस्टर र मिस विधाका मोडलहरूले र्याम्प वाक गरेर छनोटका लागि आफ्नो दाबी प्रस्तुत गरेका थिए । रोयल क्राउन इवेंट्स एण्ड क्रिएशनको सीईओ नारायण प्रताप चौहान र असिस्टेंट कोरिग्राफर सागर केसीले प्रतियोगिताको पहिलो सिजन भएको बताए ।
यस अडिसनमा लुम्बिनी प्रदेशका मोडलहरू सहभागी हुन भैरहवा पुगेका थिए । सबै मोडलहरूले पहिले पश्चिमी थिममा र्याम्प वाक गरे र त्यसपछि गायन, नृत्य र अन्य गतिविधिहरूद्वारा निर्णायकहरूलाई प्रभाबित गरे । यस अडिसनमा मिस विधाका ७ मोडल र मिस्टर विधाका ८ मोडल सहभागी थिए ।
अडिसनपछि ट्यालेन्ट राउण्ड, पोर्टफोलियो सुट, लुक लन्च, फिटनेस र मोटिभेसनल सेसन हुनेछ । प्रतियोगिताको ग्रान्ड फिनाले यस वर्षको कार्तिक अन्त्यमा भव्य कार्यक्रममा आयोजना हुने, इवेंट कोर्डिनेटर सोर्णिमा चौधरीले बताइन । यस अडिसनमा निर्णायक प्यानलमा मिस्टर एण्ड मिस टीन परफेक्ट नवलपरासीका बिजेता मिस्टर अमित यादव, व्यूवर चोइस बीरेंद्र यादव, फर्स्ट रनरप आइशा सिंह, मोस्ट डिसिप्लिन संतोष बनिया, बेस्ट पर्सनालिटी अविनाश गौडले सहभागीहरुको प्रतिभालाई निर्णायकको रूपमा चयन गरेका थिए ।
तसर्थ इच्छुक मोडल मिस्टर एण्ड मिस सिद्धार्थनगर – २०२२ मा वाइल्ड कार्ड प्रवेश लिनुको लागी सम्पर्क नम्बर ९८११९८५१४९ /९८४७४४५७५५ डायल गरी आवेदन दिन सक्ने आयोजक नारायण प्रताप चौहानले जानकारी दिए ।
