काठमाण्डौं । नेपाली संगीत क्षेत्रलाई थप समृद्ध बनाउने उद्देश्यले नयाँ गीत ‘आकाशै राम्रो जुनले’ सार्वजनिक गरिएको छ। समसामयिक भावनालाई परम्परागत लोक लयसँग मिसाएर बनाइएको यस गीतले श्रोतामाझ गहिरो प्रभाव पार्ने अपेक्षा गरिएको छ।
गीतमा चर्चित गायक अनिश लिम्बु र गायिका सुनिता थेगिम लिम्बुको स्वर सुन्न सकिन्छ। मनिपाल राईको शब्द तथा संगीत संयोजनले गीतलाई जीवन्त बनाएको छ भने राजु कार्कीले मिक्सिङ र मास्टेरिङको जिम्मेवारी सम्हालेका छन्।
राजा स्टुडियोमा रेकर्ड गरिएको गीतमा सुरेश राई र मनोज सामसुन राईले रेकर्डिस्टको भूमिका निभाएका छन्।
भिडियोतर्फ नजर पुर्याउँदा, पूर्ण लिम्बू, सुहाङ्मा आङ्बुहाङ लिम्बु, सुरेश सापकोटा, अनिश नुमिहाङ राई, गंगा राई, कल्पना हाङ्खिम राई र सुनिता पन्तको अभिनय देख्न सकिन्छ।
भिडियो निर्देशन बिजय मगरले गरेका हुन् भने छायांकन, सम्पादन र पोस्टर डिजाइन अर्जुन खड्काले गरेका छन्। प्रकाश संयोजन अनिल पराजुली र मेकअप रबिना लिम्बुले सम्हालेकी छन्।
सांगीतिक मौलिकता, दृश्य सौन्दर्यता र सांस्कृतिक गन्धले भरिएको यो गीतले नेपाली संगीत बजारमा नयाँ स्वाद भर्ने विश्वास गरिएको छ।
गीतको पुरा भिडियो हेर्न तल क्लिक गर्नुहोस ।
